يسرا تحيي الذكرى الثانية لوفاة والدتها: وحشتيني أوي

أحيت الفنانة يسرا، ذكرى وفاة والدتها عبر حسابها الشخصى على موقع التواصل الاجتماعي "إنستجرام".

وكتبت يسرا:" أمي الغالية سنتين فاتوا على فراقك.. وحشتيني أوي وحقيقي الحياة من بعدك فيها حاجة ناقصة أوي بنسبالي.. خدتي معاكي يا أمي الفرح كله والحزن كله معاكي، كل حاجة بقت شبه بعضها من بعدك.. يمكن الحاجة اللي مصبرة قلبي على فراقك إني عارفة إنك في مكان أحسن وأنضف وأنقى، مكان مليان حب وسلام وتسبيح لرب الكون سبحانه وتعالى".

وتابعت: "وحشتيني ووحشني حضنك وطبطبتك عليا وأنا في حضنك.. حقيقي أنا عايشة برضاكي ربنا مايحرمني من برك عليا..  ربنا يجمعني بيكي على خير.. بشكر كل حد فاكر أمي في دعائه وربنا مايحرمكوش من أي عزيز أو غالي.. فضلا وليس أمرا برجاء الدعاء وقراءة الفاتحة ".