رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف
رئيس مجلس الإدارة
أشرف رشاد
نائب رئيس مجلس الإدارة
دينا عبد الكريم
رئيس التحرير
أحمد ناصف

حلا شيحة ترد على والدها: مصدومة من كلامه.. وجوزي بيحبني

نشر
مستقبل وطن نيوز

انتقدت الفنانة حلا شيحة تعليق والدها الفنان أحمد شيحة بخصوص علاقتها بزوجها الداعية معز مسعود، وذلك في إطار الهجوم الذي تعرضت له خلال الساعات الماضية بسبب اعتراضه على ظهورها في كليب تامر حسني الجديد.
وكتبت حلا شيحة عبر حسابها على إنستجرام قائلة: "الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من احترام و رجولة و شهامة نادرة الأيام دي وانا لم يخطفني احد كما قال والدي والكلام ده لا يصح ابداً انا بحب زوجي و سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني" .

وأضافت حلا شيحة " و طبعا بيساندني ويشجعني لأني زوجته و حبيبته و هو أكبر بكتير من كل الكلام اللي بيتقال عليه و افتراءات مش صحيحة، و هو أبعد ما يكون عنها، ولن أسمح لأحد بالكلام عنه ولن أسمح بأي تصور خاطئ عنه بأي شكل من الأشكال معز طول عمره له رؤيته الواضحة في الدين و حتي في الفن و هو ليس مع أي جماعة أو فئة معينة، هو يمثل نفسه و له أفكاره وآرائه العلمية والدينية المختلفة الجميلة، وليس لأحد أن يصنفه أو يضعه في أي قالب فقط لأن هواه لا يوافق ما يمثله معز، هو في إيه في بلدنا الأيام دي بنحارب و نصارع في بعض وعايشين في قصص وهمية من نسج خيالنا عن بعض ".

وتابعت حلا شيحة "هو خلاص أي حد يتكلم بلغة الدين لازم يبقي متطرف او اخواني هو مبقاش في مسلمين وسطيين طبيعين هو ليه كل أنواع الهجوم ده علي أي حد. انا زعلانة من والدي جداً لأنه يعرف معز كويس جدا و قعدوا مع بعض كتير ووالدي يحبه جدا و شاف منه كل خير .معز زيي اتجوز ١٤ سنة من عمره و كان مستقر في حياته و عنده ثلاث أولاد ربنا يخليهمله جمال ما شاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد ، والحمد لله اتقابلنا و تلاقينا لان ظروفنا قريبة جدا و عندي أولاد مثله و أولادنا شبه بعض الحمد لله و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض و نخوض في اعراض بعض هو حصل في مجتمعنا ده احنا جرالنا ايه ".

وتابعت "في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع .

واختتمت «أنا الحمد لله سعيدة في حياتي و مع زوج اتشرف انه زوجي و بعتز بيه و احنا أصدقاء قبل ان نكون أزواج  و كل كلمة اكتبها و قلتها نابعة مني و انا متدينة بطبعي زي أي ست مصرية بتحب دينها وده لا يعيبني. وتديني اللي بدأ من اكتر من ١٥ سنة من المنطقي أن معز مش هو سببه، مش محتاجة حد يخطفني او يكتب عني أو يوجهني .. هذا كلام لا يليق . دعوا الخلق للخالق و كل واحد يخليه في حاله و ياريت نسمع من بعض بدل ما نسمع عن احسنوا الظن".

وكان الفنان التشكيلي أحمد شيحة، على الجدل المثار حول اعتزال ابنته حلا شيحة، الفن، وتحريمها له، قائلاً: "حلا بنتي طيبة ونيتها طيبة، وليست خبيثة، ومحبة لكل زملائها من قلبها".

وانتقد والد حلا شيحة، في مداخلة هاتفية خلال برنامج "كلمة أخيرة" الذي تقدمه الإعلامية لميس الحديدي على شاشة " on"  “ المنشور الذي كتبته نجلته على ”إنستجرام" خلال الأيام الماضية، قائلاً: "إيه فكرة البوست اللي نازل بعد ثلاثة أسابيع من عرض فيلم "إلا أنا"؟.. إيه النتيجة بتاعته؟، بوست مجاني معمول كده عشان الناس تهاجمك؟ ده كمين معمول للبنت".

ورداً على سؤال الإعلامية لميس الحديدي : كمين معمول من مين ؟ قال: " لازم نتريث لحد ما نعرف؛ عشان ما نِهجمش على البنت الهجوم الفظيع ده ونظلمها".