"محتاجة دعواتكم".. أحمد العوضى يكشف عن دخول ياسمين عبد العزيز غرفة العمليات
كشف الفنان أحمد العوضي، لأول مرة عن الحالة النفسية التي يعيشها بسبب تواجد زوجته النجمة ياسمين عبد العزيز داخل غرفة العمليات لإجراء عملية جراحية لم يكشف عن تفاصيلها.
وفتح العوضي قلبه لأول مرة أمام المتابعين لصفحته الرسمية على موقع التواصل الاجتماعي "فيسبوك"، قائلا: "يمكن ببان قدامكم دايما قوي .. لكن الحقيقه أنا دلوقتي أضعف انسان علي وجه الأرض عشان أنا روحي مش معايا".
ووجه العوضي حديثه لزوجته ياسمين عبد العزيز قائلا: “أنا ضعيف جدا من غيرك. انتي لازم تبقي كويسه ولازم تقومي بالسلامة. انا لأول مرة أكتب من غير ما فكر أنا بكتب إيه وهكتب إيه. بس انتي هتقومي إن شاء الله بإذن الله عشان انتي وعداني وعد وهتتفذيه".
وأضاف: "أنا عاوزك تبقي كويسه وتقومي عشان اقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني. أنا دلوقتي ضعيف ضعيف جدا".
وتابع: "لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك. قومي عشان انا بحبك... بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض من أيام حلوة ومواقف صعبة مرت علينا. أكتر بكتير حتي من الموقف اللي احنا فيه دلوقتي .. انا بحبك".
وطالب العوضى، متابعيه، بأن يدعوا لزوجته قائلا: "ادعولها تقوم بالسلامة، زي ما انتو دايما بتدعولها بالنجاح والتوفيق .. هي دلوقتي محتاجه دعواتكم".
