إيمان السيد تتضامن مع ياسمين عبدالعزيز: من أجدع الشخصيات

تضامنت الفنانة إيمان السيد، مع الفنانة ياسمين عبدالعزيز، مؤكدة اعتزازها بصداقتها.

ونشرت إيمان، صورة لياسمين عبر حسابها على Instagram وكتبت: "مش هبالغ لو قلت أن ياسمين من أجدع الشخصيات اللي قابلتها، أنا معرفتي بيها داخلة على حوالي 14 سنة دلوقتي - فترة طويلة - اتغير فيها ناس كتير، وناس أكتر كانوا قريبين ومابقوش موجودين، وياسمين عمرها ما اتغيرت، طول عمرها جدعة وبنت ناس ومحترمة وبتفهم في الأصول، بتحب شغلها وبتحب كل الناس اللي معاها يطلعوا بأحسن صورة".

وتابعت: " وزي ما خالد الصاوي قال وبضم صوتي لصوته: ياسمين عبد العزيز واضحة وصريحة ومش بوشين وما بتجاملش ودا أريح للناس كلها، حقيقي التعامل مع إنسانة زي ياسمين مريح، خاصة لما تكون أنت كمان إنسان دوغري ومش منافق ومالكش في اللوع".

واختتمت كلامها: "ياسمين عمرها ما اتغيرت معايا في عز ما كان فيه ناس كنت فاكراهم قريبين مني وكانوا يقولولها: ما كفاية إيمان السيد بقى، وحتى دا عرفته من برة مش منها لأن طول معرفتي بيها عمرها ما قالت لي ولا قالت قدامي حاجة تضايقني، ربنا يكرمها ويرزقها كل خير".