أحمد العوضي: «سيف الخديوي» موجود في الشارع المصري بكلامه وحركاته
علق الفنان على نجاح مسلسله "اللي مالوش كبير" في شخصية سيف الخديوي، وحب الناس للشخصية رغم كونها تعكس شخصية بلطجي، قائلاً: ده كرم من ربنا إني عملت الشخصية دي والناس حبتها.. وأنا دائماً لما بعمل شخصية، بحاول أعملها بطريقة معينة تكون أقرب للحقيقة.
وتابع في مداخلة هاتفية خلال برنامج "كلمة أخيرة" الذي تقدمه الإعلامية لميس الحديدي، على شاشة "إكسترا نيوز" خلال شهر رمضان، قائلاً: "وأنا أصلاً من منطقة شعبية والناس عارفة كده وتعاملت مع صنوف مختلفة من شخصيات البشر ولحد النهاردة وأنا دائماً ببقى موجود في الشارع ومحتك بالناس ومش منعزل فقابلت أنواع مختلفة من البشر".
وأكمل: "عشان كده أنا بقول أن شخصية سيف الخيديو موجودة بالفعل (الكاركاتر) على بعضه بطريقة كلامه بخواتمه وحركات إيده شخصية موجودة بالفعل في الشارع.. المجهود بقى اللي الواحد بيبذله في الشخصية أنو يصنع ليها كلام أو جمل يخليها عالقة في أذهان الجماهير وده شغل الممثل".
وحول جمل "وحش الكون" و"على الله حكايتك ياست" قال العوضي: "من أول مسلسل كلبش قلت فيه جملة (من أجلك أنت)، الناس أخدتها مني وبقى مصطلح دارج في الشارع دلوقتي، أنا بخلي الناس هيا اللي تاخد من عوضي".
