«مش هنسيب نقطة مياه».. نص ما قاله الرئيس السيسي اليوم

تفقد الرئيس عبدالفتاح السيسي، مجمع إصدارات الوثائق المؤمنة، واطلع على كافة خطوط ووحدات الإنتاج.

وقال الرئيس السيسي، إن المشروعات الموجودة في الدولة كثيرة، وسيكون لدينا عقود موثقة لكل متر في الدولة.

وتابع الرئيس- خلال افتتاح مجمع الإصدارات المؤمنة-:"أنا لو عاوز افتتح كل يوم مشروع موجود كل شوية نطلع مشروعين تلاتة عشان نطمنكوا إننا ماشيين على الطريق الصحيح".

وأكد الرئيس: "البيانات والمعلومات كنز، نظام قواعد البيانات معمول إن كل واحد يطلع على الجزء الخاص به فقط، فمثلًا لو رايح التأمين الصحي ومعايا الكارت الخاص بيا أشوف بيا بس مش أي بيانات حد تاني".

وتابع الرئيس: "عايزين نستمر في موضوع التطوير بحيث لا نتوقف وأرجو من القائمين على العمل في مجمع الإصدارات المؤمنة.. من فضلك اهتم بالصحة العامة في المجمع، أنا خايف عليهم وعلى كل مصري".

ووجه التقدير والشكر لكل القائمين على المشروعات:" كل ما يكون في تحدي في عمل وإرادة من حديد إننا نتجاوز ظروفنا ونؤكد أننا دولة كبيرة".

وتابع الرئيس:" وهقولكم على رقم خاص بالمياه، سيتم إنشاء 15 محطة رفع مياه لمنسوب مرتفع للاستفادة من المياه وتوفير فرص عمل وزيادة الرقعة الزراعية".

وأوضح أن المياه من أسوان للدلتا تسير في الانحدار الطبيعي، متابعًا:" في مكانين عملنا فيهم واقع هما محطة المحمسة في سيناء ومحطة أخرى سيتم افتتاحها خلال يوليو 5.6 مليون متر من الصرف الصحي والزراعي والصناعي طبقًا لمعايير عالمية".

وأوضح الرئيس:" عشان نجيب المياه من تحت لفوق سيتم عمل 15 رافعًا من منخفض لمرتفع ثم سيتم معالجتها معالجة ثلاثية مطورة والمياه هتكون زي مياه الشرب، هنزرع بيهم حوالي 2 مليون فدان ".

وتابع:" هنعد نفسنا بشكل جيد، مش بنرمي همومنا على الآخرين وبنحاول نحلها هو التاريخ بتاعنا بيعكس عمق حضاري للدولة ".

وأكد الرئيس:" 15 مليون نسمة زيادة في السكان منذ 2011 حتى الآن، مش هنسيب نقطة مياه إلا وهنستفيد منها، من 25 يناير عرفت إننا هيبقى عندنا مشكلة كبيرة أوي بقول كده عشان إنتوا شريك أصيل في ده، وبعدين قلق المواطنين على المياه مشروع".

وأوضح: "منسقين مع السودان على الإجراءات في إطار القانون الدولي والأعراف الدولة ذات الصلة بحركة الأنهار عبر الدول، والخيارات كلها مفتوحة وتعاوننا أفضل عشان نبني مع بعضنا".

واختتم الرئيس:" الأرض عندنا منخفضة ودي إرادة ربنا إن النيل يجري لحد عندنا بقول شعب مصر كل ما تتدايق اشتغل أكتر وعمر أكتر ".