نشوى مصطفى توجه رسالة لمعارضي وقف مسلسل الملك: «المرحلة الجاية البقاء للأشطر»

حرصت الفنانة نشوى مصطفى، على توجيه رسالة لزملائها الفنانين، الذين دشنوا هاشتاج "اتفرج قبل ما تحكم" بعد الجدل المثار حول مسلسل "الملك" الذي كان مقررا أن يخوض به الفنان عمرو يوسف، السباق الرمضاني المقبل 2021، قبل إيقاف تصويره من قبل الجهة المنتجة له، بسبب احتوائه على تفاصيل تاريخية خاطئة، وملابس الفنانين، وشكلهم التي من المفترض أن ترتبط بهذه الحقبة الزمنية وبالوثائق التاريخية، بجانب الديكورات واللهجة العامية المستخدمة خلال الأحداث.

ونشرت نشوى مصطفى عبر صفحتها الشخصية بموقع التواصل الاجتماعي "فيسبوك" منشورًا كتبت فيه: "شوية صمت هيكون في مصلحتنا أكتر، شوية ذكاء، شوية احترام لمستهلك سلعتك، المستهلك بتاع النهارده صعب تضحك عليه وتبيع له بضاعة فيها عيوب ببساطة لأن المستورد قدام عينيه ليل ونهار وأنتم عارفين المستورد".

وأضافت:"الخواجة ما بيهزرش والشغل عنده بيتوزن بميزان دهب، مفيش قدامك غير الجودة".

وتابعت نشوى مصطفى: "المرحلة الجاية البقاء للأشطر مفيش واسطة ولا محسوبية ولا مجاملات ولا صحوبية السنة دى سنة الفرز والسوق قرب والڤاترينة مليانة من أول يوم في السوق الرابحين السنة دى هيكونوا هما الشطار بجد ربنا يكرم الشطار ويكتر من أمثالهم، ويكرم المجتهدين اللي بحق وحقيقي وفرصة للمستسهلين أنهم ياخدوا بالهم وما يستسهلوش وربنا يكرم الجميع".