النجوم والنجمات يتسابقون لتهنئة ست الحبايب بعيد الأم.. صور
تسابق نجوم الفن في نشر صورهم مع أمهاتهم بمناسبة عيد الأم الذي يوافق اليوم الأحد.
ونشرت آيتن عامر صورة تجمعها بست الحبايب، عبر حسابها بموقع تويتر، وهنأت والدتها قائلة: "كل سنة وكل أم طيبة وبخير وربنا يخليكى ليا يا أمى".
وعبر حسابه بموقع فيس بوك، نشر إدوارد صورة لوالدته الراحلة، قائلاً: "كل عيد وأنتي طيبة يا أمي كان نفسي أجيلك يوم عيدك ذي كل سنة وأشوفك وأنتي بتدعيلي عارف أنك معايا وبتدعيلي وأنتي في السماء الصورة دي كل شوية أشوفها وأحس بدعواتك ليا وحشتيني يا أمي".
وحرص النجم محمد محمود عبد العزيز، عبر حسابه بموقع إنستجرام، تهنئة والدته قائلاً: "كل سنة حضرتك طيبة وبخير وفى أحسن صحة وأحسن حال ومنورانا وعلى راسنا دايمًا يا رب إن شاء الله ملحوظه: هذا الطفل يبقى أنا اسألكم الفاتحة والدعاء لأبويا ولكل من رحلوا عنا".
وهنأت شيماء سيف والدتها بمناسبة عيد الأم، وقالت: "انتى الغالية إللى مفيش فى غلاوتها وانتى قلبى وحبيبتي وحياتى طول عمرك أرجل من أرجل راجل".
وأضافت: "أنا فخورة بيكى ببقى عايزة أقولك أنا اللى فخورة بيكى إزاى كنتى عارفة تبقى صح طول الوقت وعارفة أمتى تبقى حنينة وأمتى تبقى شديدة وبتعاقبى وبتشدى وترخى وأحسن ست بيت وأشطر واحدة فى شغلها ربنا يحميكى ياكوكو ياحب حياتى كل عيد أم وأنتى تاج على راسي وأنا تحت رجليكى كل يوم وأنتى فى أتم صحة وعافية ومنورة دنيتى وأنا عايشة بدعواتك ورضاكى".
