إصابة خطيرة لابن مخرج وممثلة في إعلان لـ محمد رمضان
«هي حياة الناس بقت رخيصه كده» هذا ما كتبته الفنانه حنان شوقي، معبرة عن استيائها من تعرض يوسف عمر نجل المخرج محمد عمر، والفنانة لبنى ونس، إلى حادث سبب له جروح وحروق خلال تصويره إحدى الإعلانات مع الفنان محمد رمضان.
وتابعت حنان شوقي- في منشور على صفحتها بموقع التواصل الاجتماعي فيسبوك: «يوسف في سنة رابعة بمعهد الفنون المسرحيه، وجاله إعلان مع الفنان «نمبر وان» محمد رمضان، وحصل حادثة من المسئول عن المتفجرات أستاذ عصام الوريث اللي جايبه المخرج اللي مش عارفه اسمه إيه كان جايب قنبلة حقيقية وحطها تحت الفنان الشاب يوسف عمر ولولا أن ربنا ستر كان عمره ضاع أو كان هيكمل حياته عاجز»
وأضافت الفنانة حنان شوقي، «معقوله الاستهتار وصل لكده وأن حياة البشر مبقاش ليها قيمة، أنا اللي أعرفه أن المفروض يكون فيه متخصص ده اللي واخدين عليه في الشغل كممثلين.. أنا عايزه حق يوسف عمر، مين يجيب حقه؟ّ».
