محمد منير: بسمع مهرجانات والفن  عمره ماكان وحش

قال الفنان الكبير محمد منير،  إن أقرب  الفنانين الذين يفضل الاستماع لاعمالهم الغنائي هم عمرو دياب  وعلي الحجار  ومحمد الحلو.

وأشاد في مداخلة هاتفية عبر برنامج " كلمة أخيرة  " الذي تقدمه الاعلامية لميس الحديدي على شاشة " ON" بأغنية الفنان  محمد ثروت الاخيرة      قائلاً : " محمد ثروت عامل أغنية رائعة   ولسه كنت مكلمه من يومين ومحمد ثروت سيبقى أحلى وأهم صوت في مصر لكن  سوء حظه أنه تعرف على الموسيقار محمد عبد الوهاب في بدايته حيث بدأ حياته بعملاقة فقد الطريق فترة  لكن أغنيته الاخيرة روعة ومعجب إعجاب غير عادي بيها    ".

وحول الاجيال الجديدة ومدى  أعجابه وإستماعه  لاغانيهم  قال : بسمع الاغنية الحلوة "

وحول إستماعه للمهرجانات قال : " أه بسمع مهرجانات والفن  عمره ماكان وحش والمهرجانات مش وحشة لكن فيه فن قوي وأخر ضعيف وعلينا الاختيار بين ماهو قوي وماهو ضعيف ".

 ووجه نصحية  للجيل الجديد من المطربين  قائلاً : " مشكلتهم إنهم متسرعين كل الي تحت 25 متسرع  وأنا صحيح  فخور أنهم جيل بيجيدوا الانجليزية  وأنا كمنير  أجيد الانجليزية والالمانية لكن بقلهم  "طز  فيكم"  لاني مش عايز  أقابل شاب يقلي أنا " تجارة إنجلش  " أو حقوق إنجلش " لما أسالك شهادتك  إيه  ؟ تقلي بكالريوس " تجارة أو  ليسانس " حقوق  " بعد كده تبقى تقلي  إيه تخصصك أتمنى يستوعبوا كلامي ده  لانه مش ضدهم ".

تابع في تقديم نصيحته لجيل الشباب: " أنا حياتي كان فيها مصاعب كثيرة ومعاناة طويلة ومشوار طويل أنا لما بدأت حياتي كان فيه 500 واحد نصهم من عيلتي والباقي من اسر المنتجين والنهاردة بقى عندي شعب كامل بيجبني أنا بغني 42 سنة  

وأكمل: " أنا بحب ألمانيا وحبايبي الشعب الألماني وكفاية أن مصيبة كورونا حرمتني من زيارة ألمانيا لمدة سنة ورجلي " بتاكلني " وكل ما أكلم أصحابي يقلولي إستنى شوية".