تفاصيل إنشاء أول حديقة بالشرق الأوسط لذوي الاحتياجات الخاصة

روى  خالد مصطفى، صاحب فكرة إنشاء أول حديقة لذوي الاحتياجات الخاصة في الشرق الأوسط، بدايات الفكرة والأسباب التي دفعته لذلك، معربا عن سعادته بإنجازها على أرض مصر.

وقال خلال لقاء مباشر ببرنامج "صباح الخير يا مصر"، المذاع على القناة الأولى، اليوم الاثنين: إن الموضوع جاء صدفة، معقبا: "بعتبره من الأقدار الجميلة إن الواحد يحقق حلم لحد بالشكل ده.. الفكرة كانت من طفل كنت بلعب معاه شطرنج".

وأضاف "كنت في وقت بلعب شطرنج مع طفل من ذوي الاحتياجات وهو قاعد على كرسي متحرك، وكان سنة في حدود 10 سنوات، والكلام ده كان من سنة تقريبا، وكان والديه قاعدين معاه، والحديث والحوار اللي دار بينا أثناء اللعب إني بقوله سعادتك أكيد بتلاقي السعادة في الشطرنج، قالي لا يا أنكل أنا بصراحة بحب وشاور على المكان اللي فيه المراجيح بس مش عارف، ومش لاقي غير الشطرنج والألعاب الإلكترونية بس اللي أقدر ألعبهم.. وكلمة الطفل لمست وجداني وقررت أساعد ذوي الاحتياجات الخاصة".

وتابع "الفكرة جاءت من الطفل أدهم ومن أحلامه، في إنه يمارس حياته الترفيهية اللي بيمارسها أي طفل، وأقل حاجة بيفرح بيها الطفل هي المرجيحة، فكرنا وبعد كده أحد أصدقائي رئيس لجنة المشروعات في النادي اللواء صلاح عيد، تحمس جدا وأخد على عاتقه فكرة تصنيع وتنفيذ القطع والألعاب الموجودة في الحديقة هنا في مصر، وده أول تنفيذ لها هنا في مصر والمنطقة".