ستينيه الغردقه ..من علبة الحلاوة لعربية تويوتا كرولا .

ست بسيطة من مدينة الغردقة اسمها أم محمد حفيدها كان نفسه ياكل حلاوة راحت اشترت لية علبة حلاوة الطفل فتح العلبة بعد يومين لقى كوبون جرى على جدته وخالته قالهم انا لقيت الورقة دي .. 

خالته لقت كود بعتت في رسالة لشركة البوادي بتاعت الحلاوة .. بعد أيام الشركة اتصلت بيهم وقالولهم مبروك كسبتم .. طبعا هما في البداية مصدقوش اصلا ازاي اسرة بسيطة كدة تكسب عربية تويوتا كرولا موديل ٢٠٢٠ .. 

الست البسيطة والشركة بتبلغها قالتلهم بكل عفوية وطيبة انا ست كبيرة متضحكوش عليا قالولها والله مش بنضحك عليكي .. الست حتى بعد ما راحت مكان استلام العربية فضلت مش مصدقة .. الست قالت ان كل امنيتها في الحياة ان ربنا يرزقها بأي حاجة تاكل من وراها عيش ..

 الست أم محمد الستينية جوزها متوفي من ٣٣ سنة بقيت الأم والأب .. ساب ليها ٣ أولاد ربتهم وجوزتهم .. اشتغلت بياعة ترمس وبليلة وساعات هدوم ..