أطالب بمحاكمة عاجلة للمتهمة.. تعليق قوي من أحمد موسى بعد بيان النيابة العامة بشأن مستشفى الشاطبي
علق الإعلامي أحمد موسى، على بيان النيابة العامة بشأن أحد المنشورات التي تم تداولها مؤخرًا ونشرها من قبل أحدى الحسابات على مواقع التواصل الاجتماعي بشأن مستشفى طبي في الإسكندرية، مردفًا: «بعض الناس كانت بتعمم، النيابة العامة الآن طلعت بيان في غاية الأهمية والخطورة».
وقال أحمد موسى، خلال تقديم برنامج «على مسئوليتي»، عبر قناة «صدى البلد»، إن بيان النيابة العامة جاء فيه نتائج ما جرى تداوله على مواقع التواصل الاجتماعي، مردفًا: «إحنا في بلد ومفيش حد فوق القانون، القانون فوق الجميع، المتهمة تم إحالتها للمحاكمة الجنائية لنشرها أخبار كاذبة بشأن مستشفيات جامعة الإسكندرية».
واستعرض الإعلامي أحمد موسى، بيان النيابة العامة كاملًا على الهواء، معلقًا: «المتهمة كتبت حاجات محصلتش، هنا في بيان النيابة بتقول أنه اللي كتبته كذب إفك وضلال، في حاجة اسمها نقل إليها، أما تكتب حاجة أنت شوفتيها أو مش شوفتيها، طيب لو حد قالي حد حاجة لازم أكون عارفه، ولا مش عارفه هما مين اللي قالوا ليها كدا».
وأردف:«خير وبركة أنها سابت الطب، اتجهت للعمل في مجال السينما، عقب انقضاء فترة تكليفها، سمعة الناس علشان فلوس وأرباح والتشكيك في الأطباء وأدائهم ظلم».
وتابع:«عاوزين جلسة بكرا أو بعد بكرا، علشان يكون في ردع لكل شخص يتحمل مسئولية ما يقوله، النيابة قالت اللي عنده خبر صحيح أو معلومة يقولها، لو مش عندك بلاش تقولها، لأن دا هيعرض الشخص للمسألة القانونية».
وأشار أحمد موسى إلى أن بيان النيابة العامة كاشف ويؤكد ما تم تداوله بشكل واسع من خلال منشور تم كتابته من متهمة، أنا اطالب بمحاكمة عاجلة ليها لأنها عملت بلبلة غير مسبوقة، ونقابة الأطباء كان لازم تتحرك على طول مش تسكت، كمان الجامعة كان لازم تتحرك، معقبًا: «ليه النقابة والجامعة تفضل ساكتة، طالما عندك يوم كامل طالما عندك الأمور صحيحة اطلع اتكلم على طول، أنت ليه بتشكك في أي حاجة عندنا، الناس خدت الموضوع في سكة تانية، عندنا ثقة في الطبيب المصري، والعلاج والصحة المصرية كمان عندنا أحسن الأطباء».
ولفت إلى أنه خلال زيارة لأحد الأشخاص في أحد المسشتفيات وجد مرضى من كل الجنسيات، الطبيب المصري متواجد في كل مكان.
