الفنان علي الألفي: «اشتغلت بالهندسة 15 سنة عشان احقق حلم والدي»

قال الفنان علي الألفي، إن الإنسان يحرص على العمل بعد التخرج من الجامعة للحصول على المال الكافي للحياة، ما يعني أنه من الصعب أن يجد الإنسان الوقت ليحقق فيه ما يتمناه، متابعًا: «كان نفسي أدرس مزيكا لكن في بورسعيد مفيش معهد للموسيقى العربية وكان في كليات تربية موسيقية فقط، وأكيد مش زي المعهد المتخصص في المزيكا، وبنحاول نسعى ونلحق اللى باقي من حياتنا».

وأوضح الألفي، خلال استضافته في برنامج «الستات مايعرفوش يكدبوا» مع الإعلاميات إيمان عز الدين، هبة الأباصيري، منى عبد الغني، والمذاع على فضائية «cbc»، أنه درس الهندسة لمدة 7 سنوات، وعمل في مجال الهندسة نحو 15 عامًا: «قدمت استقالتي بعد 15 سنة في الهندسة وقلت لوالدي إني درست واشتغلت عشان أحقق لك حلمك، وجه الوقت اللي أحقق حلمي أنا فيه، وأشتغل الحاجة اللي بحبها».