«السيدة انتصار أم لينا كلنا».. «حياة كريمة» تحقق حلم أسرتين بعد زيارة قرينة الرئيس| فيديو
وفرت مؤسسة “حياة كريمة”، لأسرة هناء، بعد زيارة السيدة انتصار السيسي، قرينة الرئيس، لقرية شما بالمنوفية، شقة في مدينة أشمون مجهزة بالكامل، كما قررت إهداء جهازي العروسة لاثنين من بناتها.
وعلقت "حياة كريمة" - على فيديو نشرته عبر صفحتها على موقع "فيسبوك" -: "الأحلام الكتير والأماني اللي مابتنتهيش بحياة أفضل واللي فضلت لسنين مستخبية في قلوب أصحابها جه الوقت عشان تتسمع وتنفذ".
وأضافت "حياة كريمة": "النهارده حلقة مختلفة بتقدم فيها حياة كريمة إيديها لاثنين من أبطال قصص الكفاح من أهالي قرية شما مركز أشمون محافظة المنوفية، اللي سمعتلهم السيدة انتصار السيسي خلال زيارتها للقرية، وقررت ترسم الضحكة على وشوشهم".
وبالزغاريد استقبلت الأسرة فريق مبادرة "حياة كريمة"، الذي سلم لها عقد الشقة الجديدة، وجميع الأجهزة والمفروشات اللازمة لها، بعد حديثها إلى السيدة الأولى.
ووجهت إحدى الأهالي رسالة إلى قرينة الرئيس خلال حديثها إلى فريق "حياة كريمة": "الله ينور عليها من السما للأرض وربنا يفرح قلبها زي ما فرحت وسترت الناس دي".
وأوضح زوج هناء: "السيدة انتصار السيسي متواضعة جدًا وقعدت تتكلم معانا والأولاد".
وذكرت هناء: "اللي عملته معانا السيدة انتصار معملتوش مع حد وربنا يخلي لينا سيادة الرئيس ويباركلنا فيه، ويسترهم زي ما بيستروا الغلابة اللي زينا، وبنتي كان قدمها سنة لحد ما تتجوز ومكناش عارفين هنعمل أهي، وأنا مكنتش مصدقة اللي حصل ده".
وجمعت الصدفة السيدة انتصار السيسي بالسيدة سماح في المنوفية أيضًا، والتي ذكرت لها أنها لا تستطيع العمل وأنها تبحث عن مصدر رزق مناسب، وأن بنتها في سن الزواج.
ووفرت مؤسسة "حياة كريمة" لأسرة سماح جهاز لابنتها، بعد مناشدتها للسيدة انتصار السيسي، وسيارة.
وشكرت أسرة سماح الرئيس السيسي والسيدة قرينته: "شكرًا ليك يا سيادة الرئيس شكرًا ليكم كلكم.. أنا فخورة أني قابلت السيدة انتصار السيسي ومكنتش أتوقع المكافأة دي وبشكر الرئيس السيسي على كل اللي عامله ومساعدة للناس الغلابة.. السيدة انتصار أم لينا كلنا".
