السيسي عن تنظيم الدعم: «مش عايزين نضيع أموال ضخمة في غير الصح»
قدم الرئيس عبدالفتاح السيسي، الشكر والحمد لله سبحانه وتعالى الذى وفقه في إنجاز مشروعات سكنية للمواطنين المصريين وتغيير حياتهم للأفضل، متسائلاً: "هل اللي بنعمله ده يرضي ربنا ولا لا.. أنا بقول الكلام ده للناس اللي بتتكلم في الدين.. وأنهم عايزين يعملوا دين كويس.. دين كويس فين والناس عايشه كده هيكونوا رافضين كل شىء".
وأضاف السيسي - خلال كلمته بافتتاح مشروعات إسكان بديل المناطق غير الآمنة بالسادس من أكتوبر، اليوم السبت - أن الهدف من تنظيم الدعم، هو توجيهه بالشكل الصحيح، معقبا: "مش عايزين نضيع أموال ضخمة جدا، مش في الصح".
وتابع الرئيس السيسي: "أنا ممكن لقمة بكباية شاي بس أنام في مكان لائق و وأولادي يتحركوا في أمان وسلام وبكرة بتاعهم كويس بفضل الله.. وبكرة تشوفوا الدولة، لسه هتعمل".
وأضاف: "الله لا يصلح عمل المفسدين، لو بنفسد ربنا لن يصلح حالنا بالشكل ده، وإذا كنا بنضيَع أو نخرب لن يوفقنا الله، مستدلاً بقول الله تعالى: إِنَّ اللَّهَ لا يُصْلِحُ عَمَلَ الْمُفْسِدِينَ.
وأشار إلى أنه يتجول لوحده في البلد ومازال يرى أنه مازال هناك الكثير من العمل الذي يجب إنجازه، معقبا: "دكتور مصطفى مدبولي بيزعل لما أقوله كده، ودكتور عاصم الجزار كمان.. ويقولوا هنعمل ايه.. لا لازم نطلق برنامج أكبر للمشروعات السكنية"
