عبدالباسط حمودة: «أي رقاصة بقابلها بديها بالعصاية.. وعمري ما أكون نقيب»
قال المطرب الشعبي عبدالباسط حمودة، إنه يرفض أن يتقلد منصب نقيب الموسيقيين، معقبا: "عمري ما أبقى نقيب، لأن ده انتحار وهتبعدني عن شغلي".
وأعرب "حمودة"، خلال حواره مع الإعلامية بسمة وهبة خلال برنامجها "العرافة" المذاع على شاشة "المحور"، مساء الأحد، عن رفضه لكلمات الأغاني الهابطة، قائلا: "غنوا خمور وحشيش وده لا يليق.. النقابة المفروض تتمسك شوية والفن المتبعزق يتلم شوية، ولازم الأستاذ هاني شاكر ياخد موقف ضد الأغنية الهابطة واللفظ الخارج".
وأشار المطرب الشعبي عبدالباسط حمودة، إلى أنه يرفض الغناء مع الراقصة جوهرة أو أي راقصة أخرى، موضحًا: "أي رقاصة بقابلها بديها بالعصاية، ولو حصل ولاقيت واحدة موجودة مش هغني وصاحب الفرح يولع".
وأضاف "مبحبش الكلام ده، الناس هتتفرج على الرقاصة ولا تسمعني؟! المفروض الجمهور يركز معايا، ولا هتطلع 15 واحدة، إحنا في حمام سباحة؟! ولو كده مش هرجع العربون".
وتابع: "عملت أغنية مع صوفينار عشان الناس عرفتها، والمنتج والمخرج كانوا جايبينها، لكن محبش أكررها تاني".
