رئيس التحرير
أحمد ناصف
رئيس التحرير
أحمد ناصف

أحمد العوضي يكشف كواليس دوره في «اللي مالوش كبير» أمام ياسمين عبد العزيز

نشر
مسلسل اللي مالوش
مسلسل اللي مالوش كبير

علق الفنان أحمد العوضي على دوره في مسلسل "اللي مالوش كبير" في شخصية سيف الخديوي قائلًا: "شخصية مختلفة تمامًا عن دوري في مسلسل الاختيار في شخصية الإرهابي هشام عشماوي".

وأضاف العوضي، في مداخلة هاتفية عبر برنامج "كلمة أخيرة" الذي تقدمه الإعلامية لميس الحديدي على شاشة "ON" قائلًا: "الاختلاف هنا ممكن أقول على الدور أنه "قبضاي" باللغة الشعبية.

وقال العوضي: "الدور مافيهوش تكشير كتير وهي شخصية تحمل لزمات خاصة بها وإفيهاته عشان تعلق مع الناس سواء بحركة الأيد أو الإفيهات".

وحول قلقه من ردود الأفعال على العمل قال: "قلقان طبعا لأني خارج من الاختيار وياسمين عبد العزيز طالعة من "ونحب تاني ليه" وده في حد ذاته ضغط نفسي علينا لأننا هنتجتمع في عمل واحد وده تحد مقارنة بأن لو كل واحد عمل شغل لوحده وفي نفس الوقت عاوزين نعمل حاجة الناس متتوقعهاش".

وأوضح العوضي: "عاوزين نقدم حاجة كبيرة وجديدة عشان تليق بأننا نتجمع أنا وياسمين في عمل واحد وبوعد المشاهدين إننا نبقى في الصفوف الأولى في السباق الرمضاني".

وحول دور ياسمين عبد العزيز قال: "عاملة دور تقيل وبشكل احترافي مش بقول كده عشان هي مراتي لكن كنجمة أنا بمثل قدامها عشان كده هي عاملة حاجة متميزة مختلفة عن دورها في مسلسل ونحب تاني ليه رمضان الماضي"، مؤكدًا أنه لم يلاقي صعوبة في عمله مع زوجته ياسمين عبد العزيز قائلًا: "ماعنديش الحتة دي أني أقلق من العمل قدام زوجتي بالعكس كان مريح لي وليها.. لأني ماعنديش في أفكاري فكرة أن أفرد ضلوعي بالعكس أنا ببقى مهتم أنها تطلع أحسن مني وهيا كمان بتتمنى كده".

وحول مشاركة خالد الصاوي قال: "فنان كبير ودمه خفيف أحلى كواليس في الدنيا بتطلع مع وجود الفنان القدير خالد الصاوي وأنا بتعلم منه".

وحول قلقه من المنافسة قال: "بصراحة شديدة جدًا المنافسة هي المنافسة في إسعاد المشاهد".

عاجل